Bakı. 29 noyabr. REPORT.AZ/ Bakıda 45 yaşlı kişini avtomobil vuraraq ərazidən qaçıb.
"Report"un xəbərinə görə, hadisə Sabunçu rayonu Zabrat qəsəbəsində baş verib.
Belə ki, Nərimanov küçəsi ev 6-dan çölə çıxan 1971-ci il təvəllüdlü Yusifov Arzu Eyyub oğlunu naməlum avtomobil vurub və ərazidən uzaqlaşıb. Xəsarət alan A.Yusifov qonşuluqda yaşayan şəxslərin köməkliyi ilə xəstəxanaya yerləşdirilib. Onun vəziyyəti orta ağır kimi qiymətləndirilir.
Faktla bağlı araşdırma aparılır.