Bakı. 29 noyabr. REPORT.AZ/ "Azərbaycan və Cənubi Afrika bir sıra sahələr, o cümlədən aviadaşınma sahəsi üzrə 7 memorandum imzalamağa hazırdır".
"Report" xəbər verir ki, bunu Azərbaycanda səfərdə olan Cənubi Afrikanın beynəlxalq əlaqələr və əməkdaşlıq naziri Maite Nkoana-Maşabene brifinqdə deyib.
Xanım nazir həmçinin Cənubi Afrikanın Azərbaycanla diplomatik məsləhətləşmələrin dövlətlərarası səviyyəyə qədər artırılmasında maraqlı olduğunu qeyd edib: "Bu səfərin müsbət nəticələri var. Bu nəticələr üzərində işi davam etdirmək lazımdır".
Jurnalistlərin sualını cavablandıran M.Nkoane-Maşabane Cənubi Afrikanın Bakıda diplomatik missiya açmağı planlaşdırdığını bildirib.
