Müğənni Elton Hüseynəliyev duet oxumaq istədiyi müğənnilərin adını açıqlayıb.

Axşam.az-ın məlumatına görə, ifaçı “5/5” verilişində “paxıl” adlandırdığı xalq artisti Brilliant Dadaşova ilə bağlı arzusunu bölüşüb:

“Xumar Qədimova ilə duet oxumaq istəyərəm. Məclislərdə bir araya gəlmişik, oxumuşuk, amma peşəkar ifamız olmayıb. Bir də Brilliant Dadaşova ilə duet oxumaq arzum olub. İfaçı var kimisə dinləyir, gəlir sənətə, ondan bəhrələndiyini danır. Əli çörəyə çatandan sonra, deyir, heç kimə qulaq asmıram. Bu, mümkün deyil”.

E.Hüseynəliyev aparıcı Zaur Kamalın “Toy, efir, yoxsa studiya müğənnisisən” sualına belə cavab verib:

“Mənə toy müğənnisi deyilsə, yaxşı olar. Çünki daha çox toylarda oluram. Mənim tənbəlliyim var. Tez həvəsdən düşüb, ara verirəm, bir müddət oxumuram. Bizim borcumuzdur xalqımızın önündə oxumaq".

Qeyd edək ki, E.Hüseynəliyev açıqlamalarından birində xalq artisti Brilliant Dadaşovanı paxıl adlandırmışdı.