Dərs zamanı ölən 7 yaşlı qız bir neçə xəstəlikdən əziyyət çəkirmiş - FOTO

Dərs zamanı ölən 7 yaşlı qız bir neçə xəstəlikdən əziyyət çəkirmiş - FOTO
16:22 29 Noyabr 2016
341 Ölkə
Ölkə mətbuatı
A- A+

Lənkəranda 7 yaşlı qızın ölümünün bəzi təfərrüatları məlum olub.

Milli.Az APA-ya istinadən xəbər verir ki, Lənkəran şəhər 7 saylı orta məktəbinin II sinif şagirdi Xədicə Ramin qızı Ağayevanın bir neçə xəstəlikdən əziyyət çəkdiyi bildirilib.
 
Məlumata görə, noyabrın 28-də dərsdə halı pisləşən qızın vəziyyəti barədə həmin tədris müəssisəsində çalışan anası Nərgiz Ağayevaya xəbər verilib. Uşağın atası Ramin Ağayev də məktəbə gedib və azyaşlı Lənkəran Mərkəzi Rayon Xəstəxanasına (MRX) çatdırılıb. Həkimlərin müayinəsindən və ilkin tibbi yardımdan sonra uşaq reanimasiya şöbəsinə yerləşdirilib. Lakin bir müddət sonra Xədicə Ağayevanın vəziyyəti yenidən pisləşib və orada keçinib.
 
Lənkəran MRX-dan APA-nın yerli bürosuna verilən məlumata görə, Xədicə Ağayeva 7 aylıq doğulub. Körpəlikdən epilepsiya, şəkər, ağciyər ödemi, ensefalopatiya kimi xəstəliklərdən əziyyət çəkib.
 
Azyaşlı bu gün torpağa tapşırılıb.

Milli.Az


Xəbərin orijinal ünvanı: http://news.milli.az/country/494163.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR