İsrail prezidenti: "Azanın səsgücləndiricilərlə verilməsinin qadağan edilməsinə qarşıyam"

İsrail prezidenti: "Azanın səsgücləndiricilərlə verilməsinin qadağan edilməsinə qarşıyam"
17:12 29 Noyabr 2016
66 Dünya
Ölkə mətbuatı
A- A+

Bakı. 29 noyabr. REPORT.AZ/ İsrail prezidenti azanın səsgücləndirici vasitəsilə oxunmasının qadağan edilməsi layihəsinə qarşıdır.
“Report” "Haber7"yə istinadən xəbər verir ki, İsrail prezidenti Reuven Rivlin bunu Qərbi Qüdsdəki ofisində müsəlmanlarla görüşündə bildirib.

Onun sözlərinə görə, belə qadağanın tətbiq edilməsinə ehtiyac yoxdur: “İsrail ibadət azadlığına hörmət edən, bütün azlıqların din azadlığı prinsipinə sadiq bir ölkədir".
Qeyd edək ki, İsrail parlamentinə “Gurultuya səbəb olur” iddiası ilə məscidlərdən azanın səsgücləndirici vasitəsilə yayılmasının yasaqlanması haqda qanun layihəsi təqdim edilib. Bu layihənin parlamentin üç fərqli toplantısında müzakirə edilərək səsə qoyulması lazımdır. Həmin toplantılarda yetərincə səs qazandığı halda bu qanun qüvvəyə minəcək. 
Xatırladaq ki, ötən gün İsrail prezidenti Reuven Rivlin Türkiyə prezidenti Rəcəb Tayyib Ərdoğanla telefon danışığında bu məsələyə də toxunulub.  

Xəbərin orijinal ünvanı: https://report.az/diger-olkeler/i-srail-prezidenti-azanin-sesguclendiricilerle-verilmesinin-qadagan-edilmesine-qarsiyam

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR