Aktual mövzular: Dollar alış-satışı , Hava, Məzənnə, Neftin qiyməti

Əli Həsənov: "Nizami rayonunda yanğından zərər çəkən ailələrin yeni tikilən binaya köçürülməsi təklif olunacaq"

Əli Həsənov: "Nizami rayonunda yanğından zərər çəkən ailələrin yeni tikilən binaya köçürülməsi təklif olunacaq"

Gəncədə 6 otaqlı evdə yanğın olub (18 Mart 2017 08:17)
Gəncədə 6 otaqlı evdə yanğın (18 Mart 2017 07:33)
Neftçalada çay evi, Gəncədə avtomobil, Sumqayıtda isə ev yanıb (19 Fevral 2017 00:05)

Tarix: 29 Noyabr 2016 17:22

Bakı. 29 noyabr. REPORT.AZ/ Bakı şəhəri, Nizami rayonu ərazisində baş verən yanğından zərər çəkən ailələrə dəyən ziyanın aradan qaldırılması üçün müvafiq tədbirlər görüləcək. 
Dövlət Komitəsindən “Report”a verilən xəbərə görə, bu barədə hadisə yerinə gələn Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənov məlumat verib. 
O, yanğının fəsadlarının dərhal aradan qaldırılması üçün konkret tapşırıqlar verib. 
Ə.Həsənov bildirib ki, Nizami Rayon İcra Hakimiyyəti məcburi köçkünlərin məskunlaşdığı ərazini almış özəl şirkətlə danışıqlar aparacaq: "Prezident İlham Əliyevin təşəbbüsü ilə Sabunçu rayonu ərazisində həyata keçirilmiş pilot layihənin həmin əraziyə tətbiq edilməsi məsələsinə baxılacaq və həmin şirkətə orada yaşayan məcburi köçkün ailələrinin müvəqqəti olaraq kirayə mənzillərə köçürülməsi, şirkət tərəfindən çoxmənzilli yaşayış binası tikildikdən sonra həmin ailələrin yeni tikilən binaya köçürülməsi təklif olunacaq".
Xatırladaq ki, noyabrın 29-da gecə saat 03:49-da Bakı şəhəri, Nizami rayonu ərazisində Elşən Süleymanov küçəsində 21 məcburi köçkün ailəsinin məskunlaşdığı, tikintisi yarımçıq qalan binada yanğın baş verib. Hadisə nəticəsində Füzuli rayonunun Mirzənağılı kənd sakinləri Seymur Əkbər oğlu Babaşov, həyat yoldaşı Cəvahir Əlövsət qızı Babaşova və övladları Fərhad Seymur oğlu Babaşov, Elşad Seymur oğlu Babaşov vəfat edib və digər 2 məcburi köçkün ailəsinin mənzilinə də ziyan dəyib.

Teqlər:  Əli Həsənov Nizami rayonunda yanğından zərər çəkən ailələrin yeni tikilən binaya köçürülməsi təklif olunacaq



RƏYLƏR


Top xəbərlər