Aktual mövzular: Dollar alış-satışı , Hava haqqında, Məzənnə, Neftin qiyməti

Milli Məclisdə Fəzail Ağamalı ilə Aqil Abbas arasında mübahisə düşüb

Milli Məclisdə Fəzail Ağamalı ilə Aqil Abbas arasında mübahisə düşüb

Date: 29 November 2016 17:37

Bakı. 29 noyabr. REPORT.AZ/ Milli Məclisin bu gün keçirilən plenar iclasında deputatlar Fəzail Ağamalı və Aqil Abbas arasında mübahisə yaranıb.
“Report”un xəbərinə görə, A.Abbas çıxışı zamanı deyib ki, Azərbaycan parlamentində ən çox tənqid olunan deputatdır: “Ən çox mən, Fazil Mustafa və Hadı Rəcəbli tənqid olunur. İki-üç deputatıq, ortada qalmışıq, digərləri yaxalarını kənara çəkib. Deputat maaşlarının artırılması ilə bağlı verdiyim açıqlamaya görə məni təhqir edirlər. Tahir Kərimli deyir ki, deputat maaşı alanda utanıram. Ay başına dönüm, niyə utanırsan ki, əziyyət çəkib işləyirsən, maaş alırsan da. Maaşım çoxdur deyən deputatların maaşını azaldın da. Bu gün sosial şəbəkələrdə ciddi şəkildə təhqi və böhtan var”.
Deputat Fəzail Ağamalı isə ona cavab olaraq deyib ki, Aqil Abbas hər dəfə söz alıb deputatlara ağıl öyrədir: “Onun səviyyəsi hələ o səviyyəyə çatmayıb ki, bizə burda dərs keçsin. Hər dəfə söz alıb bizə burda dərs keçir, ağıl öyrədir. Ona xəbərdarlıq olunmalıdır. Aqil Abbas hərəkət və davranışlarına fikir versin”.


Tags:  Milli Məclisdə Fəzail Ağamalı Aqil Abbas arasında mübahisə düşüb

RƏYLƏR


Top news