Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Türkiyə prezdenti: “Suriya ərazisinə Əsədin hökmranlığına son vermək üçün girmişik”

Türkiyə prezdenti: “Suriya ərazisinə Əsədin hökmranlığına son vermək üçün girmişik”

Date: 29 November 2016 17:52

Bakı. 29 noyabr. REPORT.AZ/ “Biz başqa məqsədlə deyil, dövlət terroru həyata keçirən zalım Bəşşar Əsədin hökmranlığına son qoymaq üçün Suriyaya girmişik”.
“Report” "Cumhüriyet" qəzetinə istinadən xəbər verir ki, bunu Türkiyə prezdenti Rəcəb Tayyib Ərdoğan İstanbulda Qüds Uğrunda Parlamentarlar Liqasının Birinci İllik Konfransında bildirib.
O qeyd edib ki, indiyə qədər Suriyada bir milyona yaxın insan öldürülüb: "Bu ölümlər davam edir. Biz səbr etdik, gözlədik, nəhayət, dayana bilmədik. Suriya Azadlıq Ordusu ilə birlikdə ölkəyə girmək məcburiyyətində qaldıq. Türkiyənin Suriya torpaqlarında gözü yoxdur. Həqiqi sahibləri torpağın yiyəsi olmalıdır. Biz prinsipləri qorumaq üçün oradayıq. Yəni ədalətin bərqərar olması üçün Suriyaya girmişik”.
Qeyd edək ki, Türkiyə Suriyada “Fırat kalkanı” (“Fərat qalxanı”) adlı antiterror əməliyyatı keçirir və Suriya Azadlıq Ordusunu dəstəkləyir. 


Tags:  Türkiyə prezdenti Suriya ərazisinə Əsədin hökmranlığına son vermək girmişik

RƏYLƏR


Top news