Mingəçevir və Yevlaxda pilot layihə əsasında icbari tibbi sığorta tətbiq olunacaq

Mingəçevir və Yevlaxda pilot layihə əsasında icbari tibbi sığorta tətbiq olunacaq
18:32 29 Noyabr 2016
360 Ölkə
Ölkə mətbuatı
A- A+

Yevlaxda icbari tibbi sığorta çərçivəsində yeni sistemin tətbiqinə başlanılıb (19 Aprel 2017 14:54)
Kimlərin icbari sığorta haqqını dövlət ödəyəcək? - Rəsmi AÇIQLAMA (18 Aprel 2017 14:05)
Azərbaycanda şagirdlərin ən çox yoluxduğu xəstəliklər - ADLARI (18 Aprel 2017 12:12)

Prezident İlham Əliyev Mingəçevir şəhərinin və Yevlax rayonunun inzibati ərazilərində icbari tibbi sığortanın tətbiqinə dair pilot layihənin həyata keçirilməsi ilə bağlı tədbirlər haqqında fərman imzalayıb.

Milli.Az AZƏRTAC-a istinadən xəbər verir ki, fərmanda deyilir:

"Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, ölkədə səhiyyə xidmətlərini müasir tələblərə uyğunlaşdırmaq, bu sahənin mövcud maliyyələşmə mexanizmlərini yeni iqtisadi əsaslarla təkmilləşdirməklə əhaliyə göstərilən tibbi xidmətlərin keyfiyyətini daha da yüksəltmək və icbari tibbi sığorta sisteminin tətbiqini təmin etmək məqsədi ilə qərara alıram: 

1. Mingəçevir şəhərinin və Yevlax rayonunun inzibati ərazilərində icbari tibbi sığortanın tətbiqi pilot layihə olaraq həyata keçirilsin.

2. Mingəçevir şəhərinin və Yevlax rayonunun inzibati ərazilərində dövlət səhiyyə sisteminə daxil olan qurumlar (Məhkəmə Tibbi Ekspertiza və Patoloji Anatomiya Birliyinin şöbələri, sanitariya və epidemioloji xidmət, əczaçılıq və tibbi təhsil müəssisələri, habelə psixonevroloji və narkoloji dispanserlər istisna olmaqla) bu Fərmanın 1-ci hissəsində nəzərdə tutulmuş pilot layihə başa çatanadək Azərbaycan Respublikasının Nazirlər Kabineti yanında İcbari Tibbi Sığorta üzrə Dövlət Agentliyinin (bundan sonra - Agentlik) tabeliyinə verilsin.

3. Müəyyən edilsin ki, pilot layihə başa çatanadək bu Fərmanın 2-ci hissəsi ilə Agentliyin tabeliyinə verilən qurumlara münasibətdə:

3.1. maliyyələşdirmə, aktivlərin inventarizasiyası, Azərbaycan Respublikasının Əmək Məcəlləsinə uyğun olaraq əmək münasibətlərinin tənzimlənməsi, o cümlədən işçilərin işə götürülməsi, əmək müqavilələrinin bağlanması və xitamı, həkimlərin təkrar sertifikasiyası və digər səhiyyə işçilərinin attestasiyası Agentlik tərəfindən həyata keçirilir;

3.2. bu Fərmanın 3.1-ci bəndində göstərilənlər istisna olmaqla, digər səlahiyyətlər Azərbaycan Respublikasının Səhiyyə Nazirliyi tərəfindən həyata keçirilir.

4. Azərbaycan Respublikası Prezidentinin Administrasiyası bir ay müddətində:

4.1. Mingəçevir şəhərinin və Yevlax rayonunun inzibati ərazilərində icbari tibbi sığortanın tətbiqinə dair pilot layihəni və həmin pilot layihənin həyata keçirilməsi üzrə tədbirlər planının layihəsini hazırlayıb Azərbaycan Respublikasının Prezidentinə təqdim etsin;

4.2. pilot layihənin həyata keçirilməsi nəzərdə tutulan inzibati ərazilərdə icbari tibbi sığortanın baza zərfinə daxil olan tibbi xidmətlərin siyahısı və tarifləri, habelə sığorta haqqının məbləği ilə bağlı təkliflərini Azərbaycan Respublikasının Prezidentinə təqdim etsin;

4.3. pilot layihənin həyata keçirilməsi nəzərdə tutulan inzibati ərazilərdə icbari tibbi sığortanın baza zərfi ilə əhatə olunmayan tibbi xidmətlərin siyahısı və tarifləri ilə bağlı təkliflərini Azərbaycan Respublikasının Prezidentinə təqdim etsin.

5. Azərbaycan Respublikasının Nazirlər Kabineti:

5.1. Azərbaycan Respublikası Prezidentinin aktlarının bu Fərmana uyğunlaşdırılması ilə bağlı təkliflərini üç ay müddətində hazırlayıb Azərbaycan Respublikasının Prezidentinə təqdim etsin;

5.2. bu Fərmanın 2-ci hissəsi ilə Agentliyin tabeliyinə verilən qurumların balansında olan əmlakın pilot layihə başa çatanadək Agentliyin istifadəsinə verilməsini 10 (on) gün müddətində təmin etsin;

5.3. bu Fərmanın 2-ci hissəsi ilə Agentliyin tabeliyinə verilən qurumlara Azərbaycan Respublikasının 2017-ci il üçün dövlət büdcəsində nəzərdə tutulacaq maliyyə vəsaitinin 2017-ci ilin hər rübü üzrə həmin rübün birinci ayının 10-dək Agentliyə ayrılmasını təmin etsin;

5.4. Azərbaycan Respublikasının 2017-ci il üçün dövlət büdcəsində dövlət səhiyyə sisteminə daxil olan qurumların dərman və tibb vasitələri ilə təminatı üçün nəzərdə tutulacaq maliyyə vəsaitindən, bu Fərmanın 2-ci hissəsi ilə Agentliyin tabeliyinə verilən qurumların son iki il ərzində dərman və tibb vasitələri ilə təminatı üçün faktiki orta illik büdcə xərcləri nəzərə alınmaqla, tələb olunan illik vəsaitin 2017-ci ilin hər rübü üzrə həmin rübün birinci ayının 10-dək Agentliyə ayrılmasını təmin etsin;

5.5. Azərbaycan Respublikası Nazirlər Kabinetinin normativ hüquqi aktlarının bu Fərmana uyğunlaşdırılmasını iki ay müddətində təmin edib Azərbaycan Respublikasının Prezidentinə məlumat versin;

5.6. mərkəzi icra hakimiyyəti orqanlarının normativ hüquqi aktlarının bu Fərmana uyğunlaşdırılmasını nəzarətdə saxlasın və bunun icrası barədə beş ay müddətində Azərbaycan Respublikasının Prezidentinə məlumat versin;

5.7. bu Fərmandan irəli gələn digər məsələləri həll etsin.

6. Agentlik:

6.1. 2017-ci il yanvarın 1-dən pilot layihənin həyata keçirilməsini təmin etsin;

6.2. "Publik hüquqi şəxslər haqqında" Azərbaycan Respublikası Qanununun 8.2-ci maddəsinə uyğun olaraq, bu Fərmanın 2-ci hissəsi ilə Agentliyin tabeliyinə verilən qurumların təsisçisinin səlahiyyətlərini həyata keçirsin;

6.3. bir ay müddətində:

6.3.1. bu Fərmanın 2-ci hissəsi ilə Agentliyin tabeliyinə verilən qurumlar tərəfindən həyata keçirilməsi mümkün olmayan icbari tibbi sığortanın baza zərfinə daxil olan tibbi xidmətlərin və həmin tibbi xidmətləri göstərəcək tibb müəssisələrinin siyahısı ilə bağlı təkliflərini Azərbaycan Respublikasının Prezidentinə təqdim etsin;

6.3.2. icbari tibbi sığortanın pilot layihə çərçivəsində həyata keçirilməsi məqsədi ilə aşağıdakıları əhatə edən elektron portal yaratsın və onun fəaliyyətini təmin etsin:

1. icbari tibbi sığortaya cəlb olunmaq üçün tələb olunan sənədlərin siyahısı və icbari tibbi sığortanın şərtləri barədə məlumat;

2. icbari tibbi sığortaya cəlb olunan əhali, tibb müəssisələri və tibb işçilərinə dair mərkəzləşdirilmiş məlumat bazasının yaradılması;

3. əhalinin sığortalanma prosesinin və qeydiyyatının elektron qaydada həyata keçirilməsi;

4. icbari tibbi sığorta çərçivəsində əhaliyə göstərilən tibbi xidmətlərə dair vahid məlumat bazasının yaradılması;

5. icbari tibbi sığorta çərçivəsində tibb müəssisələri tərəfindən göstərilən xidmətlər üzrə maliyyələşmənin elektron qaydada aparılması;

6. bu Fərmanın 7.1-7.8-ci bəndlərində nəzərdə tutulmuş məlumatlara dair bazanın yaradılması;

7. icbari tibbi sığortaya dair tibbi statistikanın elektron qaydada aparılması;

8. sığortalanma, tibbi xidmətlərin həyata keçirilməsi və tibb müəssisələrinə ödənişlər üzrə elektron hesabatların hazırlanması, monitorinq və nəzarətin aparılması.

7. Aşağıda qeyd olunan dövlət orqanları pilot layihənin həyata keçirilməsini təmin etmək məqsədi ilə Agentliyə bu Fərmanla nəzərdə tutulan hədlər daxilində məlumatlara real vaxt rejimində çıxış imkanı yaradılmasını (bu mümkün olmadıqda həmin məlumatların 2 (iki) iş günü müddətində elektron daşıyıcılarda təqdim edilməsini) təmin etsinlər:

7.1. Azərbaycan Respublikasının Daxili İşlər Nazirliyi:

7.1.0. icbari tibbi sığortaya cəlb olunan şəxslərin şəxsiyyətini təsdiq edən sənəd üzrə məlumatlar;

7.2. Azərbaycan Respublikasının Əmək və Əhalinin Sosial Müdafiəsi Nazirliyi:

7.2.1. icbari tibbi sığortaya cəlb olunan şəxsin iş yeri və gəlirləri üzrə məlumatlar;

7.2.2. icbari tibbi sığortaya cəlb olunan pensiyaçı və işləməyib sosial müavinət alan şəxslər barədə məlumatlar;

7.2.3. icbari tibbi sığortaya cəlb olunan "Məşğulluq haqqında" Azərbaycan Respublikasının Qanununa uyğun olaraq işsiz statusu almış vətəndaşlar barədə məlumatlar;

7.2.4. icbari tibbi sığortaya cəlb olunan ünvanlı dövlət sosial yardımı alan şəxslər barədə məlumatlar;

7.3. Azərbaycan Respublikasının Vergilər Nazirliyi:

7.3.1. icbari tibbi sığortaya cəlb olunan fiziki şəxslərin, habelə pilot layihədə iştirak edən hüquqi və fiziki şəxslərin vergi ödəyicisinin eyniləşdirmə nömrəsi barədə məlumatlar;

7.3.2. vergi orqanları tərəfindən qəbul olunmuş gəlir vergisi və ya sadələşdirilmiş vergi bəyannaməsi üzrə məlumatlar;

7.4. Azərbaycan Respublikasının Təhsil Nazirliyi:

7.4.0. icbari tibbi sığortaya cəlb olunan ali təhsil müəssisələrində əyani təhsil alan tələbələr, o cümlədən onların təhsil müəssisəsinə qəbul olunma və təhsil müəssisəsini bitirmə tarixləri barədə məlumatlar;

7.5. Azərbaycan Respublikasının Dövlət Miqrasiya Xidməti:

7.5.0. icbari tibbi sığortaya cəlb olunan Azərbaycan Respublikasında müvəqqəti və ya daimi yaşamaq hüququ almış şəxslər, onların məşğulluğu və qeydiyyatı barədə məlumatlar;

7.6. Azərbaycan Respublikasının Ədliyyə Nazirliyi:

7.6.1. pilot layihənin həyata keçirilməsi nəzərdə tutulan inzibati ərazilərdə qeydiyyatda olan şəxslərin ölüm faktının qeydiyyata alınmasına dair məlumatlar;

7.6.2 pilot layihənin həyata keçirilməsi nəzərdə tutulan inzibati ərazilərdə doğum faktının qeydiyyata alınmasına dair məlumatlar;

7.7. Azərbaycan Respublikasının Səhiyyə Nazirliyi:

7.7.1. pilot layihədə iştirak edən tibb müəssisələrinin adı, ünvanı, göstərdikləri tibbi xidmətlər;

7.7.2. pilot layihədə iştirak edən tibb müəssisələrində işləyən həkimlər, orta tibb heyəti, texniki işçilər və xidmət heyəti barədə məlumatlar (onların iş yeri, vəzifəsi, ixtisası, sertifikasiya şəhadətnaməsinə dair məlumatlar göstərilməklə);

7.7.3. pilot layihənin həyata keçirilməsi nəzərdə tutulan inzibati ərazilərdə səhiyyə sahəsində mövcud dövlət proqramları ilə əhatə olunan şəxslər barədə məlumatlar, o cümlədən şəxsin xəstəliyinin növü və dövlət proqramı ilə əhatə olunduğu müddət üzrə məlumatlar.

7.8. Azərbaycan Respublikasının İqtisadiyyat Nazirliyi:

7.8.0. pilot layihənin həyata keçirilməsi nəzərdə tutulan inzibati ərazilərdə özəl tibb və əczaçılıq fəaliyyəti ilə məşğul olan şəxslərə verilmiş lisenziyalar üzrə məlumatlar.

8. Azərbaycan Respublikasının Daxili İşlər Nazirliyinə, Əmək və Əhalinin Sosial Müdafiəsi Nazirliyinə, Vergilər Nazirliyinə, Təhsil Nazirliyinə, Dövlət Miqrasiya Xidmətinə, Ədliyyə Nazirliyinə, Səhiyyə Nazirliyinə və İqtisadiyyat Nazirliyinə tapşırılsın ki, bu Fərmanın 7.1-7.8-ci bəndlərində nəzərdə tutulan məlumatların Agentliyə təqdim edilməsini təmin etsinlər.

9. Azərbaycan Respublikasının Səhiyyə Nazirliyi:

9.1. Agentliyin təklifləri əsasında, bu Fərmanın 2-ci hissəsi ilə Agentliyin tabeliyinə verilən qurumların tibbi avadanlıqlarla təchiz olunmasını Agentliklə razılaşdırmaqla 2017-ci ilin 1-ci rübü ərzində təmin etsin;

9.2. dövlət (tədbirlər) proqramları ilə əhatə olunan xəstəliklərlə əlaqədar dərman təchizatını qanunvericiliyə əsasən təmin etsin.

10. Azərbaycan Respublikasının Maliyyə Nazirliyi:

10.1. pilot layihənin həyata keçirilməsi üçün Azərbaycan Respublikasının 2016-cı il üçün dövlət büdcəsinin 5-ci bölməsinin 6-cı köməkçi bölməsinin 280000-ci maddəsindən səhiyyə sahəsində islahatlar üçün nəzərdə tutulmuş 10 000 000 (on milyon) manat vəsaitin 10 (on) gün müddətində Agentliyə ayrılmasını təmin etsin;

10.2. Azərbaycan Respublikasının 2017-ci il üçün dövlət büdcəsinin layihəsinin 5-ci bölməsinin 6-cı köməkçi bölməsinin 250000-ci maddəsindən səhiyyə sahəsinə aid olan digər tədbirlər üçün nəzərdə tutulmuş 20 000 000 (iyirmi milyon) manat vəsaitin dövlət büdcəsi təsdiq olunduqdan sonra 2017-ci ilin yanvar ayı ərzində Agentliyə ayrılmasını təmin etsin.

11. Azərbaycan Respublikasının Ədliyyə Nazirliyi mərkəzi icra hakimiyyəti orqanlarının normativ hüquqi aktlarının və normativ xarakterli aktların bu Fərmana uyğunlaşdırılmasını təmin edib Azərbaycan Respublikasının Nazirlər Kabinetinə məlumat versin.

12. Bütün mərkəzi icra hakimiyyəti orqanlarına, aidiyyəti dövlət qurumlarına, Mingəçevir və Yevlax şəhər icra hakimiyyətlərinə tapşırılsın ki, bu Fərmandan irəli gələn vəzifələrin icrası ilə bağlı Agentliyə zəruri kömək göstərilməsini təmin etsinlər".

Milli.Az

RƏYLƏR

OXŞAR XƏBƏRLƏR

BU KATEQORİYADAN DİGƏR XƏBƏRLƏR

Ölkə mətbuatında bugün

Dağıstanda məktəbdə qumbara partladı: şagirdlərdən biri ölüb, on biri yaralanıb

24 Aprel 2017 17:29

Dubayda keçirilən sərgidə erməni təxribatının qarşısı alındı

24 Aprel 2017 17:28

ABŞ-ın hərbi bazası yaxınlığında PARTLAYIŞ

24 Aprel 2017 17:27

Rusiyada məktəbdə partlayış - Ölən və yaralılar var

24 Aprel 2017 17:27

Aprelin 25-nə manatın məzənnəsi

24 Aprel 2017 17:27

Manatın sabaha olan MƏZƏNNƏSİ

24 Aprel 2017 17:23

Manatın məzənnəsi

24 Aprel 2017 17:22

70 yaşlı xəstədən cərrahiyə əməliyyat zamanı SMARTFON ŞOU

24 Aprel 2017 17:18

Bu il azərbaycanlı müğənnilərin toy qiyməti

24 Aprel 2017 17:15

İranda ölüm cəzası LƏĞV OLUNDU

24 Aprel 2017 17:12

"Bakı Kristal Zalı"nda İslam Həmrəyliyi Oyunlarına hazırlıq işləri tamamlanmaq üzrədir - FOTO

24 Aprel 2017 17:12

Azərbaycanda səhv Hepatit C diaqnozu qoyan klinikalar

24 Aprel 2017 17:08

İranda ölüm cəzası ləğv olundu

24 Aprel 2017 17:06

Mərhum polkovnikin həyat yoldaşından ürəkdağlayan məktub: "Oğlum ölüm ayağındadır" - FOTO

24 Aprel 2017 17:05

Azərbaycanlı müğənni: "Ərimdən xəbərsiz abort etdirdim"

24 Aprel 2017 17:05

Türkiyədə 13 min il əvvələ aid tapıntı: ÜZƏRİNDƏ İNANILMAZ MƏTN VAR - FOTOLAR

24 Aprel 2017 17:03

DİQQƏT: "Facebook"da qohumlarınızı dostluqdan silin

24 Aprel 2017 16:59

"Bu adı yadda saxlayın" - Messi - FOTO

24 Aprel 2017 16:57

Fahişəliyə və qumara görə AĞIR CƏRİMƏLƏR gəlir

24 Aprel 2017 16:54

Güclü külək səbəbindən 200-dən çox neftçi təxliyə olundu

24 Aprel 2017 16:53

İslamiadada qadın idmançılarımız hicab geyinəcəklər?

24 Aprel 2017 16:52

Qulluq mövqeyindən istifadə edənlərə qarşı cəzalar sərtləşir

24 Aprel 2017 16:49

Türkan Şoray pərəstişkarlarına ÜZÜCÜ XƏBƏR

24 Aprel 2017 16:48

Shamkir Chess 2017-də IV tur: Məmmədyarov Rəcəbova qarşı - FOTO

24 Aprel 2017 16:47

Azyaşlı qız eşşək sayəsində danışmağa başladı

24 Aprel 2017 16:47

Dinlər heyvanlara toy edilməsinə necə baxır? - ilahiyyatçı ŞƏRH EDİR

24 Aprel 2017 16:39

​"iPhone 8" belə olacaq

24 Aprel 2017 16:39

Moskva geri çəkildi: “Suriyada kimyəvi silah...”

24 Aprel 2017 16:38

Pasiyent yardıma çağırdığı həkimləri girov götürdü

24 Aprel 2017 16:38

Dubayda nağıl təki villalar tikilib - VİDEO - FOTO

24 Aprel 2017 16:37

“Ağıllı” eynək insanların görmə ilə bağlı problemlərini aradan qaldıracaq

24 Aprel 2017 16:35

“Əsir düşərgəsi” oxucularının nəzərinə - kitab artıq satışdadır

24 Aprel 2017 16:34

Namaz qılan "MƏŞHURLAR" - FOTO

24 Aprel 2017 16:32

Elmi məktəb yaradan alim

24 Aprel 2017 16:28

Kredit almaq istəyənlərə XOŞ XƏBƏR

24 Aprel 2017 16:25

"Məmurlar efirdə gözəl qız görən kimi deyir ki, gətirin bağ evimə"

24 Aprel 2017 16:22

Xəstəliklərin 66 faizini bu qidalar müalicə edir

24 Aprel 2017 16:18

Türk kinosunun əfsanəsi ilə bağlı çox üzücü xəbər

24 Aprel 2017 16:14

Taksim meydanı bağlanacaq

24 Aprel 2017 16:12

Venesuela qaynayır: müxalifət ağ geyindi - FOTO

24 Aprel 2017 16:12

Belə insanlıq olmaz olsun!

24 Aprel 2017 16:11

Bakıda güclü yanğın: 3 polis əməkdaşı xəstəxanalıq oldu

24 Aprel 2017 16:09

Azərbaycan əhalisinin 80 faizi TƏHLÜKƏDƏ - Alimlərdən FƏRQLİ MÖVQE

24 Aprel 2017 16:08

Natiq Əliyev ABŞ-a gedəcək

24 Aprel 2017 16:05

İƏT-in Baş katibi: "Mehriban Əliyevanın Birinci vitse-prezident təyin olunması qadınların imkanlarının artırılması sahəsində rəmzi xarakter daşıyır"

24 Aprel 2017 16:05

Cahangir Hacıyevin şikayətinə baxılacaq VAXT BİLİNDİ

24 Aprel 2017 16:05

Ronaldonun Messinin qoluna əsəbi reaksiyası

24 Aprel 2017 16:03

Britaniya nüvə silahını tətbiq edə bilər - RƏSMİ

24 Aprel 2017 15:58

Səudiyyə Ərəbistanının energetika naziri

24 Aprel 2017 15:53

Sürət Hüseynovun cangüdənini Hollandiyada deşik-deşik etdilər - VİDEO

24 Aprel 2017 15:49