Türkiyə parlamenti “Türk axını”nı dəstəklədi

Türkiyə parlamenti “Türk axını”nı dəstəklədi
00:05 30 Noyabr 2016
Ölkə mətbuatı
A- A+

Türkiyə parlamentinin xarici əlaqələr komissiyası "Türk axını" qaz borusunun tikintisinə dair qanun layihəsini dəstəkləyib.

Milli.Az APA-ya istinadən xəbər verir ki, Rusiya-Türkiyə sazişinin ratifikasiyası haqqında qanun layihəsinin baş nazir Binəli Yıldırımın Moskvaya səfəri ərəfəsində təsdiqlənəcəyi gözlənilir.   Xatırladaq ki, B.Yıldırımın 6-7 dekabr tarixlərində Rusiyaya səfəri planlaşdırılıb.    
 
Layihə 2019-cu ilədək magistral qaz borusunun Qara dənizin dibi ilə iki xəttinin tikintisini nəzərdə tutur. Onlardan biri Türkiyə bazarı, digəri isə Türkiyə ərazisi üzərindən Avropa ölkələri üçün nəzərdə tutulub.  Xəttin hər birinin ötürmə gücü 15,75 mlrd. kubmetr təşkil edəcək.   
 
Qeyd edək ki, Rusiya 2014-cü ilin dekabrında Aİ-nin mövqeyi səbəbindən "Cənub axını" qaz borusu layihəsindən imtina edib.  "Türk axını" layihəsi isə Rusiyaya məxsus "SU-24" təyyarəsinin Türkiyə tərəfindən vurulmasından sonra dondurulmuşdu. Türkiyə tərəfi bu ilin iyulunda insidentə görə üzrxahlıq etdikdən sonra danışıqlar bərpa edilib.

Milli.Az


Xəbərin orijinal ünvanı: http://news.milli.az/economy/494298.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR