Bakı. 30 noyabr. REPORT.AZ/ Birləşmiş Ştatların Tenessi ştatında meşə yanğınları nəticəsində 3 nəfər həyatını itirib.
"Report" xəbər verir ki, bu barədə Sevi dairəsinin meri Larri Uotersə istinadən AP məlumat yayıb.
Agentliyin məlumatına görə, ən azı daha 12 nəfər yanıq xəsarəti alıb. Yanğınlar nəticəsində ümumilikdə 250 ev məhv olub. Daha çox ziyan Qatlinburq şəhərinə dəyib. Şəhər meri Mayk Uorner bildirib ki, yanğına görə artıq 14 mindən çox insan təxliyə olunub.
