Aktrisa Dəniz Çakır Kuruçeşmə sahilində yerləşən, Bosfor boğazına mənzərəsi olan evinin qapılarını "InStyle" jurnalına açıb.
Axşam.az-ın məlumatına görə, bu ev 12 ildir İstanbulda yaşayan aktrisanın dördüncü mənzilidir. Tikili 1960-cı illərdə inşa edilib.
D.Çakır yaşadığı məkan haqqında danışıb:
“Arnavutköy, Beşiktaş, Nişantaşı və son dayanacaq Kuruçeşmə... Amma ən çox buranı sevdim. İlk gördüyüm anda mənə gözəl hisslər keçirdi. Bu ev məni toparladı və buna görə çox rahat hiss edirəm. Dəniz görən, gözəl işıq düşən, hər yerində güzgü və pəncərə olan bir evə ehtiyacım var imiş. Heç bir evimdə özümə bu qədər tamaşa etməmişdim.
Evin içi əvvəldən zövqlü idi. Mən köhnəlmiş divar kağızlarını dəyişdim, öz zövqümə uyğun mebellər əlavə etdim. Ən əsası isə kitab şkafımdır. Pərdə və xalça ilə aram yoxdur".
