Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Küçə uşaqları İİV-ə yoluxma ilə bağlı risk qrupundan çıxarılıb

Küçə uşaqları  İİV-ə yoluxma ilə bağlı risk qrupundan çıxarılıb

Date: 30 November 2016 12:24

 

“Bu günə qədər Azərbaycanda küçə uşaqları arasında İİV-ə yoluxma faktı aşkarlanmayıb”.

 

Lent.az-ın məlumatına görə, bunu  Respublika QİÇS-lə Mübarizə Mərkəzinin monitorinq və qiymətləndirmə şöbəsinin müdiri Natiq Zülfüqarov 1 dekabr Ümümdünya QİÇS-lə mübarizə gününə həsr edilmiş tədbirdə deyib.

 

N.Zülfüqarovun sözlərinə görə, Azərbaycanda İİV-ə yoluxma halları arasında 4 əsas risk qrupu var: “ Bunlara məhbuslar, homoseksuallar, seks biznes işçiləri, inyeksiyon yollarla yoluxanlar daxildir”.

Ötən il bu 4 risk qrupu arasında monitorinq keçirildiyini deyən Şöbə müdiri bildirib ki, monitorinqin nəticələrinə görə, bu qruplar arasında QİÇS-ə yoluxma hallarının azalması qeydə alınıb: “2011-ci ilə qədər QİÇS-ə yoluxma ilə bağlı küçə uşaqları da risk qrupuna daxil idi. Lakin küçə uşaqları arasında kəşfiyyat-epidemoloji nəzarət tədbiri həyata keçirildi və onlar arasında İİV-ə yoluxma halı müəyyən edilmədiyi üçün küçə uşaqları risk qrupundan çıxarıldı”.

Eyni zamanda, bu vaxta kimi həkimlər arasında da xəstəliyə yoluxma faktı aşkarlanmadığını deyən N.Zülfüqarov əlavə edib ki, qanunvericiliyə əsasən, əgər cərrahiyyə sahəsində olan həkimlərdə bu xəstəlik aşkar edilsə, o zaman onun sahəsi dəyişdirilir: “O, stasionar şöbəyə köçürülərək işlə təmin olunur. Bundan başqa, bu günə qədər gözəllik salonunda, stomatoloji kabinetlərdə İİV-ə yoluxma halları müşahidə edilməyib”. 


Tags:  Küçə uşaqları İİV-ə yoluxma bağlı risk qrupundan çıxarılıb



RƏYLƏR


Top news