Aktual mövzular: Dollar alış-satışı , Hava, Məzənnə, Neftin qiyməti

Novruz bayramı YUNESKO-nun qeyri-maddi irs üzrə Reprezentativ siyahısına daxil edilib

Novruz bayramı YUNESKO-nun qeyri-maddi irs üzrə Reprezentativ siyahısına daxil edilib

Vaşinqtonda Novruz bayramı - FOTOLAR (22 Mart 2017 00:33)
Vaşinqtonun ən böyük Novruz şənliyi - FOTO (21 Mart 2017 23:32)
ABŞ-ın dövlət katibi azərbaycanlıları təbrik etdi (21 Mart 2017 09:25)

Tarix: 30 Noyabr 2016 12:32

Bakı. 30 noyabr. REPORT.AZ/ Novruz bayramı YUNESKO-nun qeyri-maddi irs üzrə Reprezentativ siyahısına daxil edilib.
"Report" YUNESKO-nun mətbuat xidmətinə istinadən xəbər verir ki, bu barədə qərar YUNESKO-nun qeyri-maddi mədəni irsin qorunması üzrə Komitəsinin bu gün Əddis-Əbabada keçirilən iclasında qəbul edilib.
Qeyd edək ki, müvafiq müraciət bir neçə dövlət - Azərbaycan, Əfqanıstan, Hindistan, İran, İraq, Qazaxıstan, Qırğızıstan, Pakistan, Tacikistan, Türkmənistan, Türkiyə və Özbəkistan tərəfindən edilib.
YUNESKO-nun arayışında bəzi ölkələrdə Novruz, Naurız, Navruz və Nooruz kimi də adlanan bu bayramın "yeni gün" mənası verdiyi və özündə çoxsaylı mərasimlər, ayinlər, və digər tədbirlər ehtiva etdiyi göstərilir.
"Bütün ailə üzvlərinin təmizlik, parlaqlıq, firavanlıq və var-dövlət rəmzi olan əşyalarla bəzədilmiş masa ətrafında toplaşması və dostlarla və yaxınlarla birgə hazırlanmış yeməklərdən zövq alması vacib ənənədir. Bu təcrübələr mədəni müxtəlifliyi və tolerantlığı dəstəkləyir, ictimai həmrəylik və sülhün formalaşmasına töhfə verir", - YUNESKO qeyd edir.
Xatırladaq ki, Novruz bayramı, həmçinin 2009-cu ildə YUNESKO tərəfindən Bəşəriyyətin Qeyri-maddi mədəni irs üzrə Reprezentativ siyahısına daxil edilib. O vaxt müvafiq müraciəti daha az ölkə - Azərbaycan, Hindistan, İran, Qırğızıstan, Pakistan, Türkiyə və Özbəkistan etmişdi.

Teqlər:  Novruz bayramı YUNESKO-nun qeyri-maddi irs üzrə Reprezentativ siyahısına daxil edilib



RƏYLƏR


Top xəbərlər