“Azərbaycanın 2017-ci ilin dövlət büdcəsi layihəsində siyasi partiyalara 2,5 milyon manat həcmində vəsaitin ayrılması nəzərdə tutulur”.
Publika.az xəbər verir ki, bunu maliyyə naziri Samir Şərifov bu gün Milli Məclisdə 2017-ci il üzrə Azərbaycanın dövlət büdcəsi layihəsinin müzakirəsi zamanı bildirib.
S.Şərifov deyib ki, 2017 və sonrakı illərdə infrastruktur layihələrinin icrası üçün ayrılacaq maliyyə vəsaitinin həcmləri azaldılır:
“Sərt monetar siyasətin nəticəsi olaraq, Dövlət Neft Fondunun aktivlərində azalmanın qarşısı alınıb. Bu ilin sonuna Dövlət Neft Fondunun aktivləri 3,9 milyard ABŞ dolları azalmalı idi. 2016-ci ilin ötən dövründə Azərbaycan Mərkəzi Bankı və hökumətin atdığı addımların və sərt monetar siyasətin nəticəsi olaraq, Dövlət Neft Fondunun aktivlərində azalmanın qarşısını alıb”.
Vasif Həsənli
