Cənubi Afrikada İİV-ə qarşı yeni vaksinin sınaqları başlayır

Cənubi Afrikada İİV-ə qarşı yeni vaksinin sınaqları başlayır
15:27 30 Noyabr 2016
47 Ölkə
Ölkə mətbuatı
A- A+

Bakı. 30 noyabr. REPORT.AZ/ İİV-ə qarşı yeni vaksinin təcrübədən keçirilməsinin növbəti mərhələsi Cənubi Afrikada başlayacaq. Alimlər iddia edirlər ki, bu, elmi sıçrayış ola və sağalmaz virusu üstələməyə kömək edə bilər.
"Report" BBC-yə istinadən xəbər verir ki, HVTN 702 vaksininin təcrübədən keçirilməsində 18-35 yaş arası 5,4 min Cənubi Afrika sakini iştirak edəcək. Testlərin aparılma müddəti təxminən dörd il davam edəcək, eksperimentlərin nəticələri isə 2020-ci ildə açıqlanacaq.
Cənubi Afrika hökuməti hazırda ölkədə gündə təxminən min nəfərin bu xəstəliyə yoluxması və 2014-ci ildə 2,4 milyon insanın virusa yoluxması barədə məlumat verib.
Xatırladaq ki, 2009-cu ildə Tailandda 3,5 il ərzində İİC infeksiyasına qarşı vaksinin sınaqları həyata keçirilib. O zaman həmin vaksinin səmərəliliyinin 31,2% olduğu sübut edilib.
Qeyd edək ki, dekabrın 1-i Ümumdünya QİÇS-ə qarşı mübarizə günüdür. 2015-ci ildə dünyada İİV infeksiyasına yoluxmuş insanların sayı təqribən 37 milyon olub. Virusun ən çox yayıldığı region Afrikanın Saxara səhrasından cənubdakı hissəsidir.

Xəbərin orijinal ünvanı: https://report.az/sehiyye/cenubi-afrikada-i-i-v-e-qarsi-yeni-vaksinin-sinaqlari-baslayir

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR