Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Azərbaycanda məcburi köçkünün toy üçün təmir etdirdiyi ev yanıb

Azərbaycanda məcburi köçkünün toy üçün təmir etdirdiyi ev yanıb

Date: 30 November 2016 16:37

Yevlax rayonunda yanğın baş verib. 
"Report"un Qərb bürosunun məlumatına görə, hadisə rayonun Aran kəndi ərazisində qeydə alınıb. 
Belə ki, həmin kənddə yaşayan, Laçın rayonundan olan məcburi köçkün Vəzirxan Novruzova məxsus ev yanıb. 
Toy üçün mənzili təmir edən ev sahibi işləri yekunlaşdırıb xalası evinə şam yeməyinə gedib. Zərərçəkənin qohumu Nicat İsmayılov isə təxminən 2 saat sonra yeni təmir olunan evə baxmaq üçün ora gəlib. Mənzilə daxil olub işığı yandıran zaman güclü partlayış baş verib. 
Hadisə zamanı N.İsmayılov müxtəlif dərəcəli yanıq xəsarətləri aldığından xəstəxanaya çatdırılıb. Mənzildə isə güclü yanğın baş verib. Hadisə yerinə yanğınsöndürənlər çağırılıb, alovun digər evlərə keçməsinin qarşısı alınıb.
Qeyd edək ki, Laçın rayonundan olan məcburi köçkünün dekabrın 8-də toy mərasimi olcaqmış. Hazırda ev yarasız vəziyyətdə olduğundan V.Novruzov qohumlarının evində qalır.
Hadisənin baş verməsinin səbəbləri araşdırlır.
 









Tags:  Azərbaycanda məcburi köçkünün toy təmir etdirdiyi ev yanıb

RƏYLƏR


Top news