Aktual mövzular: Dollar alış-satışı , Hava, Məzənnə, Neftin qiyməti

Lənkəranski haqqında kitab qalmaqal yaratdı-PUL DAVASI

Lənkəranski haqqında kitab qalmaqal yaratdı-PUL DAVASI

Rövşən Lənkəranski haqqında yazılmış kitab rekord vurdu (15 Mart 2017 10:57)

Tarix: 30 Noyabr 2016 17:23

“Rövşən Lənkəranskinin kitabını 3 dəfə, hər birində 1000 nüsxə vurublar. Beş manatdan hesablasaq, 15 min manat pul edir. Şahbaz (Xuduoğlu-red.) isə mənə 400 manat pul verib...” bu fikriləri “yeraltı” dünyadan yazan yazıçı Bəhram Çələbi Publika. az saytına açıqlamasında bildirib.

Yazıçı deyib ki, “Qanun” nəşriyyatında çap elətdirdiyi kitablar üçün Şahbaz ona çox az pul ödəyir.

“Şahbaz mənə 400 manat pul verib. Qalanını isə cibinə qoyub. Özü kimi “Hacıqara” heç yerdə görməmişəm. Qabaqlar 300 dollar verirdisə, indi 400 manatı çevirəndə heç 200 dollar eləmir.

Bəhram Çələbinin bu iddiası ilə bağlı “Qanun” nəşriyyatının rəhbəri Şahbaz Xuduoğludan fikirini bildirməsini istədik. O, Bəhram Çələbinin niyə belə sözü deməsini anlamadığını söyləyib.

“Mən ona nə qədər qonorar verildiyini deyə bilmərəm. Çünki bu işə mühasib baxır və qonorarı da o verib.

Qaldı ki, 15 000 manat qazanmaq məsələsinə kitab 1000 nüsxə çıxıb və kitabın da 5 manat qiyməti var. Və 30-40 faiz satış xərcləri var. Bunu sadə adam da hesablaya bilər ki, 15 min qazanmaq mümkün deyil”.

Əlavə nüsxələrin nəşri ilə bağlı sualı isə belə cavablandırdı: “Cəmi 1000 nüsxə çap olunub. Sonra söz vermişdi ki, yeni variant təqdim edəcək. Biz hələ yeni variantı gözləyirik. Başa düşmürəm niyə belə danışıb. Adamlar son vaxtlar qəribə olublar”.

Qeyd edək ki, bundan öncə də “Qanun” nəşriyyat evi ilə bağlı yazıçılar tərəfindən şikayətlər səslənmişdi. Ancaq Şahbaz Xuduoğlu heç bir yazıçı ilə probleminin olmadığını dedi.

Mələk Heydərova


Teqlər:  Lənkəranski haqqında kitab qalmaqal yaratdı-PUL DAVASI



RƏYLƏR


Top xəbərlər