Aktual mövzular: Dollar alış-satışı , İstanbulda terror, Hava haqqında, Məzənnə, Neftin qiyməti

OPEC-in növbəti prezidentinin kimliyi bəlli oldu

OPEC-in növbəti prezidentinin kimliyi bəlli oldu

Date: 1 December 2016 02:44

2017-ci ildə Neft ixrac edən ölkələrin təşkilatına (OPEC) Səudiyyə Ərəbistanının energetika naziri Xalid əl-Falih rəhbərlik edəcək.

 

APA-nın Bloomberg agentliyinə istinadən verdiyi xəbərə görə, bunu təşkilatın hazırı rəhbəri, Qətərin energetika və sənaye naziri Məhəmməd bin Saleh əs-Sada bəyan edib.

 

“OPEC-in növbəti prezidenti Xalid əl-Falih olacaq”, deyə əs-Sada bildirib.

 

Xatırladaq ki, ötən gün OPEC-ə üzv ölkələr neft hasilatının azaldılması ilə bağlı razılıq əldə edib.

 

Razılığa əsasən, OPEC ölkələri hasilatı sutkalıq 1,2 mln. barrel azaldacaq. Bununla da sutkalıq neft hasilatı 32,5 mln. barrelə qədər enəcək.

 

Neft hasilatının azaldılmasına dair razılıq 2017-ci il, yanvarın 1-dən qüvvəyə minəcək. Razılaşma altı ay müddətinə,  bir ilə qədər uzadılması mümkünlüyü ilə imzalanıb. OPEC-in növbəti iclası mayın 25-də Vyanada keçiriləcək.


Tags:  OPEC-in növbəti prezidentinin kimliyi bəlli oldu



RƏYLƏR


Top news