Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Neft bahalaşacaq

Neft bahalaşacaq

Date: 1 December 2016 11:57

OPEC üzvləri təşkilatın dünən Vyanada keçirilən növbəti sammitində adı çəkilən quruma daxil bütün ölkələr üzrə ümumi neft hasilatını gündəlik 1,2 milyon barel azaltmaqla 32,5 milyon barelə çatdırmaqla bağlı qərara gələ biliblər. Bu, 2008-ci ildən sonra kartel üzrə ilk belə yekdil qərardır. Qərar KİV-də elan olunan kimi neftin 1 barelinin qiyməti yüksələrək 51 dolları keçib.

Milli.Az xəbər verir ki, bunu iqtisadçı-ekspert Pərviz Heydərov bildirib.

İqtisadçının fikrincə, bu çox maraqlı və olduqca müsbət haldır: 

"Bir neçə həftədir Səudiyyə Ərəbistanı, İraq və İran arasında gedən danışıqlar bəhrəsini verib. Güman edilir ki, Səudiyyə müəyyən mənada güzəştə gedib. Bu da onun real iqtisadi durumu ilə bağlıdır. Belə ki, rəsmi Ər-Riyad maliyyə ehtiyatlarını itirə-itirə gedir. Ümumiyyətlə, bütün gözləntilərin əleyhinə olaraq, yuxarıda qeyd etdiyimiz sammit ərəfəsində İraqın neft nümayəndəsi də anons etmişdi ki, bu dəfə hər halda yekdil razılığa gəlmək mümkün olacaq. Hələlik məlum olan budur ki, hasilatın azaldılması 6 ay davam edəcək və buna xüsusi komitə nəzarət edəcək".

Ekspert bu qərarın dünya bazarında neftin qiymətinə nə qədər təsir göstərə biləcəyi ilə də bağlı proqnoz verib: "Hazırda neftin 1 bareli təxminən 51 dollardır. Mən əvvəllər qeyd etmişdim ki, 2017-ci ilin əvvəlində neftin qiyməti 35 dollara qədər enə bilər. Çünki OPEC-in bu gün sözügedən yekdil qərara gələcəyini gözləmirdim. Lakin görünür, bu son şans idi. Üstəlik, ABŞ-da FES-in qarşıdan gələn dekabr iclasını da unutmaq lazım deyil. Belə ki, OPEC bu gün əgər heç bir qərar qəbul etməsəydi, bunun elə təkcə psixoloji təsiri nefti dərhal xeyli ucuzlaşdıracaqdı. FES də dekabrda keçirəcəyi iclasda faiz dərəcəsini artırardısa, neft bir az da ucuzlaşmalı idi. Odur ki, güman edirəm, OPEC-in son qərarında ABŞ-ın bilavasitə "dobro"su var... Bu isə o deməkdir ki, FES faiz dərəcəsini 99 faiz qaldıracaq".

Pünhan Mirzə

Milli.Az


Tags:  Neft bahalaşacaq

RƏYLƏR


Top news