Aktual mövzular: Dollar alış-satışı , Hava haqqında, Məzənnə, Neftin qiyməti

Bıçaqlanan Bakı sakini xəstəxanaya gedərkən qəzaya düşüb, anası da yaralanıb - FOTO

Bıçaqlanan Bakı sakini xəstəxanaya gedərkən qəzaya düşüb, anası da yaralanıb - FOTO

Date: 1 December 2016 13:52

Bakı sakini əvvəlcə bıçaqlanıb, xəstəxanaya getmək istəyərkən isə qəza törədib.

Milli.Az report-a istinadən xəbər verir ki, hadisə Xəzər rayonu, Binə qəsəbəsi Təzə Sahə adlanan ərazidə Natavan küçəsində qeydə alınıb.
Belə ki, 1983-cü il təvəllüdlü Mirzəliyev Fəxri Aydın oğlu qonşuluğunda tək yaşayan qadının evinə gələn qonaqlarla mübahisə edib. O, qonaqları qadının evində əxlaqsızlıq yuvası təşkil etməkdə günahlandırıb. Bu zaman qonaqlardan biri F.Mirzəliyevə iki bıçaq zərbəsi vurub.
F.Mirzəliyev anası 59 yaşlı Mirzəliyeva Elmira Əliməmməd qızının köməkliyi ilə "Kia" markalı avtomobilinə əyləşib.
F.Mirzəliyev xəstəxanaya gedərkən Aeroport yolunda huşunu itirib. O, sükan arxasında idarəetməni itirərək avtomobili dəmir arakəsməyə çırpıb. Nəticədə E.Mirzəliyeva kəllə-beyin travması alıb. Yaralılar "təcili yardım" maşını ilə 3 saylı Şəhər Klinik Xəstəxanasına çatdırılıblar. Ana və oğlunun vəziyyəti ağırdır.
Faktla bağlı Xəzər Rayon Polis İdarəsinin (RPİ) 2-ci Polis Bölməsinin əməkdaşları araşdırmalara başlayıb. Xəzər RPİ-də cinayət işi başlanılıb.
Qeyd edək ki, F.Mirzəliyev Bakı Abadlıq MMC-də suvarma işləri üzrə mütəxəssis vəzifəsində çalışır.

Milli.Az





Tags:  Bıçaqlanan Bakı sakini xəstəxanaya gedərkən qəzaya düşüb anası yaralanıb FOTO

RƏYLƏR


Top news