Aktual mövzular: Dollar alış-satışı , Hava haqqında, Məzənnə, Neftin qiyməti

“Rusiyanın Qarabağ problemini çözmə iradəsinə hörmətlə yanaşırıq"

“Rusiyanın Qarabağ problemini çözmə iradəsinə hörmətlə yanaşırıq"

Date: 1 December 2016 13:59

Rusiyanın Qarabağ problemini çözmə iradəsinə hörmətlə yanaşırıq. Suriya, İraq, Aralıq dənizi məsələlərində əməkdaşlıq iki ölkə münasibətləri baxımından çox önəmlidir. Suriyadakı durum ortadadır, göz yaşı var. Humanitar yardımlar lazım olan yerlərə çatdırılmalıdır”.

 

APA-nın “Hürriyet”ə istinadən verdiyi xəbərə görə, bu sözləri Türkiyənin xarici işlər naziri Mövlud Çavuşoğlu Antalyada rusiyalı həmkarı Sergey Lavrovla görüşdən sonra keçirilən mətbuat konfransında deyib. O bildirib ki, hər iki ölkə Suriyanın ərazi bütövlüyü məsələsində ortaq mövqedədir və problemin siyasi yolla həlli məsələsində həmfikirdir. 

 

Nazir “Türk axını” və Akkuyu AES layihələrinin iki ölkənin enerji əməkdaşlığı baxımından üçün çox önəmli olduğunu söyləyib: “Rusiya ilə əməkdaşlığımızın inkişafı həm ölkələrimizə, həm də bütün bölgəyə müsbət təsir göstərəcək. Dəyərli dostum Sergeylə dünən axşamdan bəri bu mövzuları müzakirə edirik”.  

 

Qeyd edək ki, Antalyada Türkiyə-Rusiya ortaq strateji planlaşdırma qrupunun 5-ci toplantısı keçirilib.


Tags:  Rusiyanın Qarabağ problemini çözmə iradəsinə hörmətlə yanaşırıq



RƏYLƏR


Top news