Bakı. 1 dekabr. REPORT.AZ/ "Əlverişli regiona və siyasi təcrübəyə malik olan və bunu subut edən Mərakeş Afrikaya maraq duyan Azərbaycan üçün ideal tərəfdaşıdır".
"Report"un məlumatına görə, bu barədə Mərakeşin Azərbaycandakı səfirliyinin hazırladığı məqalədə deyilir.
"Bu baxımdan, hər iki ölkəni əməkdaşlığa təşviq etmək və bu istiqamətdə də münasibətləri genişləndirmək düzgün olardı" - məqalədə qeyd olunur.
Məqalədə regional əlaqələr barədə vurğulanır ki, Mərakeş kralı Məhəmməd VI ölkənin sabitliyi, təhlükəsizliyi, rifahı və Afrika xalqlarının qardaşlıq mühitində yaşaması üçün, daha yaxşı şərtlərlə təmin etmək məqsədi ilə Afrikanın inkişafında Mərakeşin önəmini bir daha təsdiq etdi: "Mərakeş, əhalisi 200 milyon olan və artmaqda davam edən Şərqi Afrikada güclü kök salaraq öz mövqeyini qoruyur".
