Aktual mövzular: Dollar alış-satışı , Hava, Məzənnə, Neftin qiyməti

BMT-nin Azərbaycandakı rezident əlaqələndiricisi və Fələstin səfiri Qərb Universitetində olub

BMT-nin Azərbaycandakı rezident əlaqələndiricisi və Fələstin səfiri Qərb Universitetində olub

İsrailin və Fələstinin Azərbaycandakı səfirləri Donald Trampın Yaxın Şərqlə bağlı bəyanatını şərh ediblər (17 Fevral 2017 15:32)
Fələstinin xarici işlər nazirinin müavini Azərbaycanda səfərdədir (16 Fevral 2017 10:52)
Тramp Netanyahunu məyus etdi (16 Fevral 2017 00:19)

Tarix: 1 Dekabr 2016 16:12

Bakı 1 dekabr. REPORT.AZ/ Fələstinin Azərbaycandakı fövqəladə və səlahiyyətli səfiri Nasir Əbdül Kərimin və BMT-nin Azərbaycandakı pezident əlaqələndiricisi Qulam İshaqzai Qərb Universitetində olub.
"Report"un məlumata görə, qonaqların "29 noyabr Fələstin xalqı ilə Beynəlxalq həmrəylik günü” mövzusunda professor-müəllim və tələbə heyəti ilə görüşü təşkil olunub.
Fələstinin Azərbaycandakı fövqəladə və səlahiyyətli səfiri Nasir Əbdül Kərim Fələstinin tarixinə nəzər salıb, təmsil etdiyi dövlətin xarici və daxili siyasətinin əsas xüsusiyyətlərindən danışıb. Diplomat beynəlxalq müstəvidə Azərbaycan və Fələstin dövlətlərinin qarşılıqlı münasibətlərindən söz açıb. Səfir sonda tələbələrin suallarını cavablandırıb və bir sıra məsələləri şərh edib.
BMT-nin rezident əlaqələndiricisi Qulam İshaqzai Fələstin dövlətinin prezidenti Mahmud Abbasın Fələstin xalqı ilə "Beynəlxalq həmrəylik günü" ilə əlaqədar bəyannaməsini tədbir iştirakçılarına çatdırıb və öz adından Fələstin xalqını bu bayram münasibətilə təbrik edib.
Tədbirin sonunda qonaqlar Qərb Universiteti ilə yaxından tanış olub, yeni fəaliyyətə başlayan BMT Depozitariya Kitabxanası qonaqlarda xüsusi maraq doğurub.
Qeyd edək ki, Qərb Universiteti tələbələrinə diplomatlarla birbaşa ünsiyyət yaratmaq, Azərbaycanın xarici əlaqələri və s. haqqında daha ətraflı məlumatlar əldə etmək imkanı yaratmaq məqsədi ilə "Səfir saatı” layihəsi həyata keçirir.







Teqlər:  BMT-nin Azərbaycandakı rezident əlaqələndiricisi Fələstin səfiri Qərb Universitetində olub



RƏYLƏR


Top xəbərlər