Aktual mövzular: Dollar alış-satışı , Hava haqqında, Məzənnə, Neftin qiyməti

Yaşayış məntəqələrini birləşdirən yol çökdü - VİDEO - FOTO

Yaşayış məntəqələrini birləşdirən yol çökdü - VİDEO - FOTO

Date: 1 December 2016 18:52

Xızıda sürüşmənin aktivləşməsi Xızı-Altıağac yolunda təhlükə yaradıb.

Milli.Az ARB Şimal-a istinadən xəbər verir ki, 23 noyabr tarixində baş verən sürüşmə daha da aktivləşib.

Nəticədə 11 yaşayış məntəqəsini birləşdirən yola ciddi ziyan dəyib. Sürüşmə nəticəsində yolun bir neçə hissəsində ümumilikdə bir kilometrədək məsafədə çökmələr baş verib, asfalt qatı dağılıb. Torpaq sürüşməsindən sonra Xızı-Altıağac yolunda avtomobillərin hərəkəti müvəqqəti məhdudlaşdırılsa da, qısa müddətdən sonra bərpa olunub.

Xızı-Altıağac yolu yeni çəkildiyindən 3 qat asfaltın bir qatı vurulub. Sürüşmə nəticəsində yolboyu istinad divarları və yol kənarında hasarlar 2 metr irəli gəlib. Yolda hərəkətin bərpası üçün ötən gün axşam saatlarından "Azəravtoyol " ASC-nin canlı qüvvəsi və texnikası əraziyə cəlb edilib.

Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin Geoloji planlama ekspedisiyasının rəisi Əziz Qaralov bildirib ki, sürüşməyə atmosfer yağıntıları və noyabrın ortalarında Xəzər dənizində baş vermiş zəlzələnin təsiri səbəb olub.

Xızı Rayon İcra Hakimiyyətindən ARB-yə bildirildi ki, Xızı - Altıağac avtomobil yolunun 16-17-ci kilometrliyində sürüşmə yoldan savayı təbii qaz və elektrik enerjisi ilə təminatda da problemlər yaradıb.

Hadisə nəticəsində Altıağac qəsəbəsini təbii qazla təmin edən orta təzyiqli qaz xəttinə xeyli ziyan dəyib.

Milli.Az














Tags:  Yaşayış məntəqələrini birləşdirən yol çökdü VİDEO FOTO

RƏYLƏR


Top news