Aktual mövzular: Dollar alış-satışı , Hava haqqında, Məzənnə, Neftin qiyməti

Putin Qərbə bir neçə mesaj verdi

Putin Qərbə bir neçə mesaj verdi

Date: 1 December 2016 22:57

Rusiya prezidenti Vladimir Putin ölkəsinin xarici siyasət konsepsiyasını təsdiq edib. Sənəddə bildirlib ki, Rusiya hər hansı bir ölkə rəhbərliyinin hüquqa zidd şəkildə dəyişdirilməsi məqsədilə həmin dövlətin daxili işlərinə yönəlik xarici müdaxilə cəhdlərinə qarşı çıxacaq.
Milli.Az modern.az-a istinadən bildirir ki, xarici siyasət konsepsiyasında Rusiyanın silah nəzarətilə bağlı beynəlxalq öhdəlikləri yerinə yetirdiyi və nüvə silah gücünün mərhələli olaraq azaldılması mövzusunda danışıqlara hazır olduğu bildirilib.
Sənəddə Rusiyanın xüsusilə Yaxın Şərqdə nüvə və kütləvi qırğın silahlarından təmizlənmiş bölgə yaradılmasını dəstəklədiyi və ABŞ ilə imzalanan strateji silahların azaldılmasına yönəlik müqavilənin həyata keçirilməsini vacibliyi qeyd edilib.
 ABŞ və NATO ilə münasibətlərə geniş yer verilən xarici siyasət konsepsiyasında Moskvanın NATO-nun Rusiya sərhədlərinə yaxınlaşması və hərbi mövcudluğunu artırmasından narahatlıq duyduğu ifadə edilib.
Sənəddə ABŞ-ın qlobal hava müdafiə sistemi Rusiyanın milli təhlükəsizliyi üçün "təhdid" olaraq adlandırılarkən Moskvanın qarşılıq vermə haqqını gizli tutduğuna işarə edilib.
 Rusiyanın ABŞ ilə əlaqələrini iki ölkənin də xeyrinə olacaq şəkildə inkişaf etdirməyə hazır olduğu bildirilən sənəddə "Moskva ABŞ-ın beynəlxalq arenadakı aksiyalarında qlobal hüquq normalarına sadiq qalmasına ümid edir" ifadələrinə yer verilib.
 Avropa Birliyinin (Aİ) Rusiyanın mühüm ticarət tərəfdaşlarından biri olduğu vurğulanan sənəddə Moskvanın Avropa ilə sabit iş birliyini istədiyi vurğulanıb. Rusiyanın yeni xarici siyasət konsepsiyasında hüquqa uyğunluq prinsipi Rusiya xarici siyasətinin prioritetlərindən biri kimi göstərilib.
Rusiyanın Suriya böhranının həll edilməsinin tərəfdarı olduğu və terrorla mübarizədə ortaq təmas qurulmasını təklif etdiyi sənəddə "Rusiya Suriyanın birlik, müstəqillik və ərazi bütövlüyünü dəstəkləyir" deyilir.

Milli.Az


Tags:  Putin Qərbə neçə mesaj verdi


RƏYLƏR


Top news