Bakı. 1 dekabr. REPORT.AZ/ Finlandiyanın Helsinki-Vantaa hava limanının ikinci terminalının uçuş zonasında naməlum qaz sızması baş verib.
"Report" xəbər verir ki, hadisə nəticəsində 24 nəfərin tənəffüsündə problem yaranıb, onlardan 9 nəfəri xəstəxanaya yerləşdirilib.
"Yle" nəşri yazır ki, bütün zərərçəkənlər hava limanı əməkdaşları olublar, sərnişinlərdən heç kim zərər çəkməyib.
Ehtimala görə, buna havalandırma sistemində yaranan nasazlıq səbəb ola bilər.
