Bakı. 2 dekabr. REPORT.AZ/ İranın parlament üzvləri ABŞ-ın İslam Respublikasına qarşı sanksiyaların müddətinin artırılması barədə qərarına cavab olaraq rəsmi Tehranın ABŞ-dan mal alışını qadağan edən qanun layihəsi hazırlayıblar.
Bu barədə "Report" "Sputnik" agentliyinə istinadən xəbər verir.
Bildirilir ki, bu qanun layihəsi parlamentdə səsverməyə çıxarılacaq.
Xatırladaq ki, daha əvvəl ABŞ Senatı İrana qarşı sanksiyaların müddətinin 10 il artırıldığını nəzərdə tutan qanun layihəsini qəbul edib. Senatorların əksəriyyəti sənədin lehinə səs veriblər.