Aktual mövzular: Dollar alış-satışı , Hava haqqında, Məzənnə, Neftin qiyməti

Formula 1 biletlərini erkən alanlara XÜSUSİ GÜZƏŞT

Formula 1 biletlərini erkən alanlara XÜSUSİ GÜZƏŞT

Date: 2 December 2016 16:22

Formula 1 Azərbaycan Qran Prisinin biletlərini dekabrın 2-dən 2017-ci ilin yanvarın 31-dək tarixlərində alanlara 30 faiz güzəşt ediləcək.

Milli.Az xəbər verir ki, bunu Bakı Şəhər Halqası Əməliyyat Şirkətinin (BŞH) Kommersiya şöbəsinin rəhbəri Bülent Özerdim deyib.

Onun sözlərinə görə, biletlərin qiymətlərindəki endirim yalnız 2 ay davam edəcək: "2017 Formula 1 Azərbaycan Qran Prisinin biletlərinin qiymətləri 60-690 manat arasında dəyişir. Erkən satış çərçivəsində, məsələn, 4 günlük 690 manatlıq bileti cəmi 550 manata əldə etmək olar. Kampaniya bitdikdən sonra biletlərin satışı əvvəlki endirimsiz qiymətlərlə aparılacaq".

Onun sözlərinə görə, ötən ilkindən fərqli olaraq bu dəfə 2-15 yaşlı azyaşlılar üşün xüsusi endirimli, eləcə də yarışları ayaqüstü izləmək istəyənlər üçün ayrıca günlük biletlər satılacaq. Ayaqüstü yerlər üçün bir günlük biletlərin qiyməti isə 60 - 150 manat arasında dəyişir.

B.Özerdim onu da əlavə edib ki, dolların məzənnəsinin necə dəyişməsindən asılı olmayaraq yerli tamaşaçılara biletlər yalnız manatla və indiki sabit qiymətlə, dəyişmədən satılacaq. Xarici valyuta ilə bilet alanlar üçün biletlərin qiyməti həmin günün məzənnəsinə görə hesablanacaq. Biletləri Azərbaycanda www.bakucitycircuit.com saytında elektron qaydada və Bakının 18 satış məntəqəsindən əldə etmək olar.

BŞH-nin Marketinq və kommunikasiya şöbəsinin rəhbəri Nigar Arpadarai isə bildirib ki, 2017-ci ildə Bakıdakı Formula 1 yarışlarında tribunaların tam dolacağı gözlənilir. Onun fikrincə, bu məqsədlə Bakıda xaricdən 25 min turistin gələcəyi gözlənilir.  

Qeyd edək ki, 2017 Formula 1 Azərbaycan Qran Prisi iyunun 23-25-də Bakıda keçiriləcək.

İlkin Bağırov
Milli.Az


Tags:  Formula biletlərini erkən alanlara XÜSUSİ GÜZƏŞT


RƏYLƏR


Top news