Türkiyədə 2 metrobüs bir-birinə dəyib.
ANS PRESS-in məlumatına görə, Edirnekapı deyilən ərazidə baş verən qəza zamanı dayanacaqda dayanan bir metrobüsə arxadan gələn başqa bir metrobüs dəyib. Qəza nəticəsində metrobüsün ön şüşəsi qırılıb və 3 sərnişin yaralanıb.
Hadisə yerinə gələn həkimlər yaralılara ilkin yardım ediblər. Daha sonra zərər çəkənlər ətrafdakı xəstəxanalara yerləşdirilib.
Bildirilib ki, yaralıların vəziyyəti yaxşıdır və müalicələri davam etdirilir.
