"ARB TV"nin "Şou məkan" verilişinin növbəti qonağı reper Elmir olub.
Axşam.az-ın məlumatına görə, ifaçı biznesindən danışıb:
"10 ilə yaxındır ki, peşəkar şəkildə reklamla məşğulam. Bu da yaradıcı bir işdir. Sabahı, gələcəyi düşünən bir kişi kimi stabil bir yol seçirəm”.
Elmir Hollivud ulduzu Leonardo DiKaprioya bənzədilməsinə münasibət bildirib:
"Bu haqda danışmağa utanıram. Çünki bunu belə görmürəm. Ancaq fanatlarımın çoxu məni Leonardo Di Kaprioya oxşadır. Fuad Əlişov söz verdi ki, məni kinoya çəkəcək. Yeni mahnı gözləyən tamaşaçılar məndən yeni film də gözləsinlər".
