Azərbaycan Premyer Liqası: "Sumqayıt" klubu növbəti qələbə sayəsində yenidən 4-cü pilləyə yüksəlib

Azərbaycan Premyer Liqası: "Sumqayıt" klubu növbəti qələbə sayəsində yenidən 4-cü pilləyə yüksəlib
16:52 9 Fevral 2017
99 İdman
Ölkə mətbuatı
A- A+

Bakı. 9 fevral. REPORT. AZ/ Futbol üzrə Azərbaycan Premyer Liqasında daha bir oyun keçirilib. "Report"un məlumatına görə, XVII tur çərçivəsində "Sumqayıt" "Kəpəz"i qonaq edib.
Turnir cədvəlində qonşu olan kollektivlər Sumqayıtda üz-üzə gəliblər. Matçda hesab erkən açılıb. 7-ci dəqiqədə Sergey Çernışev gəncəliləri məyus edib. 28-ci dəqiqədə fərqlənən Azər Salahlı isə ilk hissənin nəticəsini müəyyənləşdirib. 
Fasilədən sonra da hücumlarını davam etdirən meydan sahibləri 61-ci dəqiqədə Məhəmməd Qurbanovun qolu ilə üstünlüyü 3 topa çatdırıblar. Bundan 10 dəqiqə sonra isə Kərim Diniyev buraxılan qollardan birinin əvəzini çıxıb.
Beləliklə, "Sumqayıt" 3:1 hesablı qələbə sayəsində "Zirə"ni keçərək, 4-cü pilləyə yüksəlib. Amma hər iki komandanın aktivində 21 xal var. "Kəpəz" isə 15 xalla 6-cı pillədə qalıb. 
Azərbaycan Premyer Liqası, XVII tur
9 fevral (cümə axşamı)
“Sumqayıt” – “Kəpəz” 3:1
Qollar: Sergey Çernışev, 7. Azər Salahlı, 28. Məhəmməd Qurbanov, 61 - Kərim Diniyev, 71
Hakimlər: Rəhim Həsənov, Akif Əmirəli, Cavanşir Yusifov, Orxan Məmmədov
AFFA nümayəndəsi: Rauf Əmirov
Hakim-inspektor: Əhmədağa Cabbarov
"Kapital Bank Arena"
İlk 2 dövrədəki oyunlar: 1:1, 0:0

Xəbərin orijinal ünvanı: https://report.az/futbol/azerbaycan-premyer-liqasi-sumqayit-klubu-4-cu-pilleye-yukselib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR