Mənzil problemi əksər Bakı sakinlərinin ortaq dərdidir. Amma son iqtisadi hadisələr səbəbindən rəyi soruşulmuş Bakı sakinlərinin 80 %-i mənzil almaqdan imtina edir. Yerdə qalan 20 % isə bunun üçün müxtəlif üsullardan istifadə edir.
Bunu "ACT Azərbaycan" Bakıda keçirdiyi sorğu əsasında müəyyənləşdirib.
Milli.Az sorğunun nəticəsini təqdim edir.
Mənzil sahibi olmaq istəyələrin əksəriyyəti (38 %) bunun üçün ipoteka götürəcəyini bildirir. Pul toplayaraq arzusunu reallaşdırmaq istəyənlər 35% təşkil edir. Yeni mənzil sahibi olmaq istəyənlərin beşdə biri isə (19 %) cari mənzilini satıb yenisini almağı planlaşdırır. Mənzil almaq üçün bir neçə varianta əl atanlar da var. Məsələn, mənzil almaq üçün vəsait toplayanlar, həmçinin ipoteka götürəcəyini bildirənlər 2 % təşkil edir. Mənzil alışını ipoteka faizlərinin aşağı düşəcəyi günə saxlayanlar sorğuda 1 % səs toplayıblar.
Sorğu 11-14 sentyabr tarixlərində Bakı şəhərində 400 respondent arasında telefon vasitəsilə həyata keçirilib. Sorğu nəticələrinin yanlışlıq həddi maksimum 4.9 %-dir.
Milli.Az