Bakı. 9 fevral. REPORT.AZ/ İqtisadiyyat naziri Şahin Mustafayevin rəhbərlik edəcəyi Azərbaycanın böyük tərkibli nümayəndə heyətinin bu il fevralın sonunda İrana səfəri gözlənilir.
"Report" xəbər verir ki, bu barədə İranın Azərbaycandakı səfiri Cavad Cahangirzadə keçirdiyi mətbuat konfransında bildirib.
Onun sözlərinə görə, nümayəndə heyəti İranın müxtəlif şəhərlərində olacaq. Səfər zamanı nazir iki ölkə arasında iqtisadi əlaqələrin inkişaf perspektivlərini və birgə layihələrin həyata keçirilməsinin mümkünlüyü məsələsini müzakirə edəcək.
