Bakı. 9 fevral. REPORT.AZ/ Rusiya Prezidenti Vladimir Putin və Türkiyə Prezidenti Rəcəb Tayyib Ərdoğan arasında telefon danışığı baş tutub.
"Report"un RİA "Novosti"yə istinadən verdiyi xəbərə görə, tərəflər Suriya məsələsini müzakirə ediblər.
"Bu gün Rusiya Prezidenti Vladimir Putin və türkiyəli həmkarı Rəcəb Tayyib Ərdoğan arasında telefon danışığı olub. Söhbət zamanı Suriyada böhran vəziyyəti, beynəlxalq terrorizmlə birgə mübarizə məsələləri ətrafında fikir mübadiləsi aparılıb", - Kremlin mətbuat xidmətinin yaydığı məlumatda deyilir.
Söhbət zamanı V.Putin Əl-Bab yaxınlığında baş vermiş insident zamanı Türkiyənin bir neçə hərbçisinin həlak olması ilə bağlı başsağlığı verib.
