Bakı. 9 fevral. REPORT.AZ/ Rusiyada sərxoş qadın buz bağlamış Moskva çayının üstü ilə qarşı tərəfə keçməyə cəhd göstərib.
"Report" xəbər verir ki, bu barədə xilasetmə xidmətlərindəki mənbəyə istinadən RİA "Novosti" məlumat yayıb.
"Qadın Qonçarnı bulvarı ərazisində Moskva çayının qarşı tərəfinə keçməyə cəhd göstərib. Hadisə yerinə gələn fövqəladə hallar xidməti əməkdaşları onun bu niyyətinin qarşısını vaxtında ala biliblər", - deyə agentliyin həmsöhbəti bildirib.
