NATO-nun Rusiya sərhədləri yaxınlığındakı hərəkətləri təxribat xarakteri daşıyır.
Publika.az xəbər verir ki, bu barədə Rusiya XİN
rəhbəri Sergey Lavrov “İzvestiya” nəşrinə müsahibəsində
bildirib.
“Buraya həm də Polşa və Baltikyanı Alyansın əlavə hərbi
kontingentlərinin yerləşdirilməsi aiddir. Qeyd edim ki, artıq Şərqi
Avropanın digər ölkələri - Bolqarıstan və Rumıniyada da analoji
kontingentlərin yerləşdirilməsi ətrafında diskussiyalar aparılır”,
- deyə nazir bildirib.
XİN rəhbərinin sözlərinə görə, təxribat hərəkətlərə həmçinin bloka
üzv olan bəzi ölkələrin silahlı qüvvələrinin təkmilləşdirilməsinə
dair milli planlarının ardıcıl reallaşdırılması, yeni hərbi
infrastrukturun qurulması və sərhədlərimiz yaxınlığında NATO
təlimlərinin sayının və miqyasının xeyli artması da aiddir.
Lavrovun sözlərinə görə, qeyd olunan məsələlər, habelə NATO-nun
Rusiya ilə mülki və hərbi kanallarla əməli əməkdaşlığın tamamilə
dondurulmasına dair birtərəfli qərarı etimadsızlığın artmasına və
Avropa qitəsində qüvvələrin mövcud balansının pozulmasına gətirib
çıxarır. (apa)