Bakı. 10 fevral. REPORT.AZ/ Martın 18-də, saat 10:00-da “European Tobacco - Baku” ASC-nin səhmdarlarının növbədənkənar ümumi yığıncağı keçiriləcək.
"Report” xəbər verir ki, bu barədə rəsmi mətbuatda məlumat verilib.
Məlumata görə yığıncaq Bakı şəhəri, Nizami rayonu, Keşlə qəsəbəsi, 1-ci köndələn küçəsi, 21 ünvanında baş tutacaq. Yığıncağın gündəliyinə müəssisənin Müşahidə Şurasına, İdarə Heyətinə və Təftiş Komissiyasının yeni üzvlərinin seçilməsi məsələsi daxil edilib.
Xatırladaq ki, “European Tobacco - Baku” ASC 2002-ci ildə yaradılıb. Onun nizamnamə kapitalı 44 635 220 manatdır.