Xorvat futbolçu Azərbaycan millisindən təklif alıb

Xorvat futbolçu Azərbaycan millisindən təklif alıb
14:07 10 Fevral 2017
105 İdman
Ölkə mətbuatı
A- A+

"Heç vaxt düşünməzdim ki, günlərin bir günündə Azərbaycanda oynayaram. Amma "İnter"dən aldığım başgicəlləndirici təklifi qəbul etməli oldum. Həmin vaxt skeptik fikirdə idim. İndi isə deyə bilərəm ki, bu ölkədə həyat düşündüyümdən tam fərqlidir".


Bunu Polşa "Visla"sı ilə yarım illik müqavilə bağlayan Bakı "İnter"inin sabiq futbolçusu Matiya Şpiçiç "wyborcza.pl"ə müsahibəsində deyib. 


29 yaşlı sol cinah müdafiəçisi Azərbaycan Premyer Liqasında çıxış etdiyi vaxt milli komandanın əvvəlki baş məşqçisi Berti Foqtsdan təklif aldığını xatırladıb: "Komanda yoldaşlarım məni belə ideyaya inandırmağa başlamışdılar. Həmin vaxt cavabım belə olmuşdu: Bu, mənim üçün böyük şərəf olsa da, Xorvatiya yığmasında oynamağı üstün tutardım. Çünki ölkəmdə ayağı topa dəyən hər kəsin arzusu budur".


Bununla belə, Şpiçiç təklifə qətiyyətlə "yox" deməyib. Amma 2014-cü ilin oktyabrında Foqtsun istefaya göndərilməsindən sonra məsələ tədricən aktuallığını itirib. Yığmaya həmyerlisi Robert Prosineçki gəlsə də, xorvatiyalı legioner "İnter"də başlanan maddi problemlər üzündən 2015-ci ilin yayında klubu tərk edib.


Qeyd edək ki, Matiya Şpiçiç Xorvatiyanın aşağı yaşlılardan ibarət komandalarında çıxış etdiyi halda, əsas millidə heç vaxt oynamayıb. O, "İnter"də 2013-2014 və 2014-2015 mövsümlərində çıxış edib. ("Report")


Fanat.Az


Xəbərin orijinal ünvanı: http://fanat.az/xeber-xorvat-futbolcu-azrbaycan-millisindn-tklif-alb-t56177.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR