Bakı. 10 fevral. REPORT.AZ/ Tacikistanın paytaxtı Düşənbədən Özbəkistanın paytaxtı Daşkəndə 25 illik fasilədən sonra ilk sərnişin təyyarəsi uçub.
“Report” BBC-yə istinadən xəbər verir ki, Tacikistanın “Somon air” hava yolları şirkətinin təyyarəsi Daşkəndə texniki uçuş reysi edib.
İnformasiyaya əsasən, bu il fevralın 20-dən etibarən iki ölkə arasında davamlı uçuşlar bərpa olunacaq. Tacikistandan Özbəkistanın başqa şəhərlərinə də uçuşların təşkil edilməsi planlaşdırılır.
Məlumata görə, “Somon air” hələlik həftənin bazar ertəsi günü uçuşlar həyata keçirəcək.
Qeyd edək ki, 1993-cü ildən iki ölkə arasında siyasi münasibətlər kəskinləşdiyindən təyyarə və avtobus reysləri dayandırlımışdı. Tacikistanla Özbəkistan arasında hələ də viza rejimi mövcuddur.
