Bakı. 10 fevral.REPORT.AZ/ “Neft Daşları” yatağındakı 1637A nömrəli meydançadan 2650 nömrəli quyuda qazma işlərinə başlanılıb.
"Report" SOCAR-a istinadən xəbər verir ki, “Azneft” İstehsalat Birliyi “Neft Daşları” Neft və Qazçıxarma İdarəsinin sifarişi ilə Kompleks Qazma İşləri Tresti tərəfindən Qirməki Altı Lay Dəstəsinə qazılan quyunun layihə dərinliyi 1300 metrdir.
Geoloqların hesablamalarına əsasən, quyudan gündəlik 10 ton neft hasil olunacağı nəzərdə tutulur.
