Gürcüstanın və Latviyanın xarici işlər nazirləri Azərbaycana səfər edəcək.
Azərbaycan Xarici İşlər Nazirliyinin mətbuat xidmətindən Publika.az-a verilən məlumata görə, fevralın 12-13-də Gürcüstanın xarici işlər naziri Mixeil Canelidze Azərbaycanda rəsmi səfərdə olacaq.
Səfər çərçivəsində M.Canelidzenin azərbaycanlı həmkarı Elmar Məmmədyarovla görüşü nəzərdə tutulub.
Latviyanın xarici işlər naziri Edqars Rinkeviçs isə fevralın 12-14-də Azərbaycanda olacaq.
Edqars Rinkeviçsin 13 fevralda xarici işlər naziri Elmar Məmmədyarov ilə görüşü nəzərdə tutulub.
Görüşdən sonra nazirlər birgə mətbuat konfransı keçirəcək.
