Bakı. 10 fevral. REPORT.AZ/ Konqo Demokratik Respublikasında toqquşma zamanı hərbçilər ötən ilin avqustunda öldürülən müxalifət lideri Kamva Nsapunun 50-dən çox tərəfdarını qətlə yetiriblər.
"Report" "Reuters"ə istinadən xəbər verir ki, Nsapunun tərəfdarları liderin ölümünə görə qisas almaq məqsədi ilə hərbçilərlə toqquşmaya giriblər.
KİV-in məlumatına görə, Mərkəzi Konqoda ölkənin təhlükəsizlik qüvvələri və Nsapu tərəfdarları arasında münaqişə səbəbindən yüzlərlə insan ölüb, minlərlə yerli sakin ölkəni tərk edib.