Türkiyədə iki nəfər arasında baş verən silahlı qarşıdurmada 3 nəfər yaralanıb.
Musavat.com-un məlumatına görə, hadisə İstanbul şəhərinin Kadıköy səmtində baş verib. Məlumata əsasən, iki nəfər küçənin ortasında tapançalarını çıxararaq atışmağa başlayıb. onlardan biri başından, digəri ilə ayağından yaralanıb. Yaralılardan birinin də yoldan keçən qadın olduğu bildirilib.
Silahlılardan biri taksi ilə hadisə yerindən uzaqlaşıb. Hadisə yerinə tibbi yardım maşınları və çox sayda polis gəlib. Yaralılar xəstəxanaya çatdırılıb. Araşdırmalar davam edir.
