Bu gün Fransanın paytaxtı Parisdə cüdo üzrə "Böyük Dəbilqə" turnirinə start veriləcək.
Milli.Az goal.az-a istinadən xəbər verir ki, yarışın ilk günündə Azərbaycan millisinin 4 idmançısı mübarizəyə qoşulacaq.
"Böyük Dəbilqə"nin ikiqat qalibi Orxan Səfərov (60 kq) mübarizəyə 1/16 finaldan start verəcək. O, ilk qarşılaşmasında İn Hyuk Çoini (Cənubi Koreya) sınağa çəkəcək.
Bu çəkidə ölkəmizin idman şərəfini Nicat Şıxəlizadə (66 kq) qoruyacaq. İlk mərhələdən azad olan Qra-prinin qızıl mükafatçısı 1/16 finalda Daqa Qinq (Çin) - Honq Nin Mak (Honkonq) cütünün qalibini gözləyir.
Bu çəki dərəcəsinin lideri olan Rüstəm Orucov (73 kq) da "Böyük dəbilqə"yə 1/16 finaldan start verəcək. O, bu mərhələdə Yeldos Jumaxanov (Qazaxıstan) - Matye Lebreton (Fransa) cütünün güclüsü ilə döyüşəcək.
Orucovla eyni çəki dərəcəsində gücünü yoxlayan Hidayət Orucov isə 1/16 finalda Kuok Vinq Li (Honkonq) ilə üz-üzə gələcək.
Qeyd edək ki, yığmamız yarışa 7 idmançı ilə yollanıb.
Milli.Az
Digər maraqlı xəbərlər Milli.Az-ın Facebook səhifəsində
