Bakı. 11 fevral. REPORT.AZ/ ABŞ Mərkəzi Kəşfiyyat İdarəsinin (MKİ) direktoru Mayk Pompeo Səudiyyə Ərəbistanının şahzadəsi Məhəmməd ibn Naifi mükafatlandırılıb. "Report" SPA rəsmi xəbər agentliyinə istinadən xəbər verir ki, şahzadə terrorizmə qarşı mübarizədəki xidmətləri qarşılığında medalla təltif edilib.
MKİ Məhəmməd ibn Naifin antiterror sahəsində yüksək kəşfiyyatçılıq fəaliyyətini, beynəlxalq təhlükəsizliyin və sülhün təmin edilməsinə töhfəsini qiymətləndirib. Medal 1997 - 2004-cü illərdə idarəyə başçılıq etmiş Corc Tenetin adını daşıyır.
Qeyd edək ki, Mayk Pompeo fevralın 10-da Ankara səfərindən sonra Ər-Riyada gedib.
