Bakı. 12 fevral. REPORT.AZ/ Avropa Komissiyasının hazırkı sədri Jan-Klod Yunker jurnalistlərə açıqlamasında ikinci müddət üçün namizədliyini irəli sürmək niyyətində olmadığını bildirib.
“Report” xəbər verir ki, bu barədə “Bild” nəşri yazıb.
“İkinci dəfə namizədliyimi irəli sürməyəcəyəm”, - deyə Yunker söyləyib.
Jan-Klod Yunker Avropa Komissiyasına 1 noyabr 2014-cü ildən rəhbərlik edir. AK sədrinin səlahiyyət müddəti 5 ildir. Belə olan halda, Yunkerin səlahiyyət müddəti 2019-cu ildə başa çatacaq.
AK Avropa İttifaqının ali icraedici orqanıdır. Avropa Komissiyasının sədri Avropa Parlamenti tərəfindən seçilir.
