Bakı. 12 fevral. REPORT.AZ/ Türkmənistanda prezident seçkiləri üzrə səsvermə prosesinə start verilib.
"Report" xəbər verir ki, bu barədə ölkənin Seçki və Referendumların Keçirilməsi Mərkəzi Komissiyasının məlumatında bildirilir.
Məlumata görə, Bakı vaxtı ilə 06:00-da respublika üzrə 2 min 578 seçki məntəqəsi açılıb. Daha 39 məntəqə ölkənin xarici ölkələrdəki diplomatik nümayəndəliklərində açılacaq.
Prezident postuna 9 nəfər iddia edir. Onlardan üç nəfəri müasir Türkmənistan tarixində ilk dəfə olaraq siyasi partiyalar tərəfindən irəli sürülüb.
