Tam xoşbəxtəm... Bunu da insanda axtarmaq lazım deyil. Düşünmək olmaz ki, mən xoşbəxt deyiləm, kimsə girsin həyatıma məni xoşbəxt etsin. Sevəcəyin insan sənin xoşbəxtliyini artıra bilər.
Publika.az-ın axşam.az-a istinadən məlumatına görə, bu sözləri
müğənni Zamiq Hüseynov "Lider maqazin"ə
açıqlamsında deyib.
İfaçı bildirib ki, ailə quracağı xanımı şou-biznesdən uzaq tutmağa
çalışacaq:
"Qəlbimdə xoşuma gələn insanlar var. Fikirləşirəm ki, onları
kənardan izləyim. Tam xoşuma gəldikdən sonra istəyimi bildirəcəm.
Nə vaxtsa istəyimi bildirərəm, bu etiraf da toyla nəticələnəcək.
Məni Zamiq kimi qəbul edib, sevmək lazımdır. Məni kənardan izləyib,
xəyalındakı kimi qəbul etməsin. Mənim daxili dünyam başqadır. Əsl
Azərbaycan qaydasında, milli-mentalitetə önəm verənəm. Xanımım
şou-biznesdən uzaq olacaq, onun bura aidiyyəti yoxdur".
