Bu gün Azərbaycan Premyer Liqasında 18-ci tura start verilib.
Publika.az xəbər verir ki, iki günü əhatə edəcək turun ilk oyunu Gəncədə keçirilib. Lider “Qarabağ” qış fasiləsindən sonra bərbad çıxış edən “Kəpəz”in qonağı olub. Mahir Mədətovun vurduğu qol sayəsində qələbə qazanan Ağdam komandası zirvədəki yerini qoruyub.
Günün ikinci matçında “Qarabağ”ı addım-addım izləyən “Qəbələ” səfərdə “Zirə”ylə qarşılaşıb. Ayxan Abbasovun “sükan arxasına” keçməsindən sonra “Zirə” təkcə “Qarabağ”a uduzub. Bu isə heyətlə bağlı problemləri olan Roman Qriqorçukun komandası üçün qəsəbəyə səfərin asan keçməyəcəyi demək idi. Gözləntilər özünü doğruldub. Son dəqiqələrdə Filip Ozobiç “Qəbələ”ni hesabda önə keçirən qolu vursa da, bu, oyunda son qol olmayıb. Riçard Qadzenin 90+4-cü dəqiqədəki qolu matçın nəticəsini müəyyənləşdirib - 2:2.
Turun qalan oyunları sabah keçiriləcək.
Azərbaycan Premyer Liqası, 18-ci tur
12 fevral
Kəpəz - Qarabağ 0:1
Qol: Mahir Mədətov, 65.
Zirə - Qəbələ 2:2
Qol: Viktor İqbekoyi, 54. Riçard Qadze, 90+4 - Daniel Subotiç, 37. Filip Ozobiç, 88.
Qırmızı vərəqə: Rasim Ramaldanov, 75 (Qəbələ)
13 fevral
AZAL - İnter
Hakimlər: Elvin Əsgərov, Knyaz Əmiraslanov,
Vüsal Qənbərov, Rəhim Həsənov
AFFA nümayəndəsi: Əsgər Əmirəliyev
Hakim-inspektor: Məlik Həsənov
Bakı. “AZAL Arena”, 15:00
Neftçi - Sumqayıt
Hakimlər: Fariz Yusifov, Mübariz Haşımov, Nahid
Əliyev, Ziya Nəsirov
AFFA nümayəndəsi: Elbrus Abbasov
Hakim-inspektor: Şahin Cəfərov
Bakı. 8-ci km stadionu, 17:30